देव चालले शेजारती

देव चालले शेजेला । लक्ष्मीच्या मंदिरा ।। धृ.।।

कुंकूम केशर घालूनी सडे। पाऊल उमटले गोजिरे ।। १।। देव चालले

मागे घालुनि पायघड्या । पाऊल ठेवले मागेपुढे ।। २।। देव चालले

उध्दव अक्रुड दोहीकडे। नारद गात असे पुढे ।। ३।। देव चालले

देव पाहति अंबरी । पुष्पे वर्षती नाना परी ।। ४।। देव चालले

देव मंदिरी पावले। लक्ष्मी लागी आनंद झाला ।। ५।। देव चालले

देव बैसले मंचकावरि । विणा वाजवितो हरि ।। ६।। देव चालले

देव पावले मंदिरी। एका जनार्दनी आनंद अवघा झाला प्रेमानंद ।। ७ ।। देव चालले